“Bhrashtachar”-(Hindi Poem)

Chhote Chintu ne-

Poochha jab,

Amma ! kya hai

‘Bhrastachar”

Maa ke maathe pr-

‘BL” dikhte,

gumsum pakad,

khadi diwar,

abhi hai isko

padhna likhna,

apne paanv-

 khada hona,

mujh Budhiya ka

ek sahara,

sbki aankho ka tara,

kahin bata doon

“maane”(meaning) iska,

bha n jaye isko,

raah pakad le-

us duniya ki-

bhool n jaye mujhko.

Agar bura ‘maane’ samjha to

kal ko shor machaye,

Bhrast aur Bhrashtachari,

se “panga” (confrontation)  liye- N Jaye..>>>>>,

Do roti jo khati -peeti,

chain mera chhin jaye,

kal jo Panch , Pradhan,

sune ya fir koi-

Chaukidaar,

Kaan kaan me khabar

Pahunchti jila rajy

Dilli Darbaar.

Chintu khata chupdi roti,

Chaat chaat ke achar(pickle) ,

Maa ne sar sahlaya –

Uska-boli apna gun-

Jo bhula. jiska teekha-

 Sa vyavhar. saraa gala,

Jo kaam n aaye,

Chintu beta “Bhrast-Achar”.

Tu jo pyar se chaat raha-

Sundar svad bhara achar,

Ye jo kl ko bigad gaya to

Isko kahte ‘Bharasht-Achar”.

Surendrashukla”Bhramar”

7.2.11 8.0 AM, Jalandhr (PB)