Tum garib he late ho mahgayi –Hindi Poem –Bharamar

Ragghu Kaka !

Sukhiya ,Buddhu,

Tum garib hi-

Kahte hain ‘vo’ –

Laate ho mahgayi,

Becho gehu-

 khet baag kuchh,

Share ‘fund’ lagao,

Nahi lottery me hi-

Apni kismet ko ajmao,

Ya sarkar ka jadu sikho,

Sapno ka kl mahal banao,

Padhna chhoro –Khelo khel,

School “benchte “ tumko,

Tum cricketer ban ‘bik’ jao,

Ya fir paanch karorepati ab-

Kaun banega- ‘Davn’ lagao,

Gunda-Neta-Sadhu banker,

‘Bheed’ me daaka dalo milkar-

ya smuggling -

beauty parlour-call girls se-

nain milakar- hera feri,

Makhmal na ab Kaka-Samjho,

‘Jaal’ buno tum,

Panchhi pakro

Baaj sa koi,

Tej aur ud jao,

Mitthu Tota bankar Kaka !

Maalik- boss rijhao,

Do chandi ke kangan baali,

Mat gado n bandho gathri,

Ja videsh rakh aao,

Vahin badhega –

hava hai achchhi,

‘Farm’ Norm aur-

 barish achchhi,

Nange- dhoti pahan hi jee lo,

Kuchh din jhuggi karo basera,

Gar kaanpi n duniya kal,

Ya aai nahi sunami,

Jor agar naa aayi aandhi,

Ye jag Kaka ! hoga tera,

Hoga naya savera,

‘Badnaami’ teri jayegi,

tum garib hi ‘vo’ kahte,

jo laate mahgayi,

Khans- Khans kar- paani peete,

Fati Bivayi (Cracks in heel)-

 mitti dhote,

Gandhi se budhau Kaka ne

Ye aawaj lagayi,

Bail mar raha-ghas kaat le,

Do roti hi mujhe daal de,

Pet bharega jo mera to,

Kaam karun mai bhayi ??

‘Vuu to dayan’ khaye jaat ba,

Mahgayi –Mahgayi.

Surendrashuklabhramar,

7.17A.M. 9.2.11 Jal (PB).