BHRAMAR KI MADHURI KAARAN AUR NIVARAN

Sunday, January 30, 2011

VO KYA JANE AANKHE KAISI-KAISI DUNIYA HOTI -HINDI POEM

Nanha paudha ropa kyari,
Dhire dhire bada hua,
Kabhi gira,
Kuchh jhuka kabhi,
Apne pavn pe khada hua.

Hamne seencha paala usko,
Mn he mn muskate,
“kal” ki soch sochkar,
bhayi thoda dar bhi jate.

Paudha kal jo bada hua to,
Kali khilegi,
Phool khilega,
“Khusbu” khush kar degi,
hr man.

Meri hari bhari bagiya me,
Sundar phool khila-
Dekha jo, lalchaya,
Kuchh najar lagaya.

Kuchh bhole se log,
Dekhte ‘roj’,
Khushi ho jate,
Mujh Maali ko
Dhanya kahe vo-
Aashirvachan sunate.

Magar vahin kuchh
Natkhat bhaunre,
‘Chor’ kabhi aa jate,
Ird gird sundardat ke,
vo chhalkapti mandrate.

Pankhudiyon ko noch
 raund kuchh,
Foole nahi samate- dekha,
Har banaye , gale lagaye
Kuchh ko
mn muskate –dekha.

‘Phool’ ye pyara
komal najuk
har aankhon me bsta ,
jara jhum ke
 khusbu dekar
antar Dil me utarta.

‘vo’ kya jane
aankhen kaisi-kaisi
duniya hoti,
kuchh me pyar bhara-
to kuchh me,
Shola Nafrat hoti.

‘Kal’ ki soch soch-
ham bhayi, isiliye to darte,
na naino me neend,chain
na- soch soch bs thakte.

Kin hathon me ,
kis bagiya me,
Phool ye nyara,
Khusbu pyari,
Kaisi hogi aankhen uski,
Kya Maali sa Antarman?

Roj dulare roj khilaye,
Seenche, paale khusi rahe,
Phool ye pyara sada khila ho,
‘Khusbu’ hardam bani rahe.

Surendrashukla ‘Bhramar’
Jalandhar Punjab,
30/1/11 6.46AM.

1 comment:

surendrashuklabhramar said...

The world is beatuful depends how we perceive how we persuade how we act and how we react ,let us not forget water can distuingish fire. sukumarshuklabhramar